1. oktoobril kell 15.00. tulõ Võrol Võro Instituudi majan tsõõriklaud kolmanda Uma Pido kõrraldusõ nakatusõs!
3. Uma Pido tulõ 1. juunil 2013. Võrol Kubija laululava pääl.
Arotõdas:
- Määne piässi tulõma 3. Uma Pido, miä piässi olõma tõistõ ku katõl edimädsel pidol, miä piässi jäämä samas?
- Mändse inemise ja organisatsiooni piässi pido toimkunnan olõma?
- Kiä piässi nakkama kõrraldama tuud, midä tulõvadsõl pidol lauldas?
- Määne piässi olõma kõrraldamisõ aokava, kuis pido är majanda?
- Ja kõkkõ muud, miä pido pääle mõtõldõn ette või tulla.
Tsõõriklavvalõ oodõtas kõigi Vana Võromaa umavalitsuisi, MTÜde, seltse esindäjit, a niisamatõ kultuurikõrraldajit ja -sõpru. 2006. aastal luud tsõõriklavva mõtõ om kuuntüü, teedüsevaihtus ja uma keele ja kultuuri hoitminõ võro keele- ja kultuuriruumin. Tsõõriklavvalõ või edespiditses arotamisõs ette panda ka muid asju.
Tsõõriklavva päiv lätt kahjos kokko Võro maakunna MTÜde kogõmuisi vaihtamisõ tsõõriklavvaga. Pallõmi andis noidõ seltse käest, kedä mõlõmba tsõõriklavva pututasõ ja pallõmi sõs näil esi kotussõlõ esi inemine saata!
Uma mõttõ ja arvamisõ 3. Uma Pido kottalõ võiti saata ka kiräga e-posti triinu.ojar@wi.werro.ee pääle.
Tsõõriklavva kõrraldas MTÜ Võro Selts VKKF üten Võro Instituudiga. Ku olõti uman tulõkin joba kimmäs, võiti tuust teedä anda e-posti triinu.ojar@wi.werro.ee pääle.
Näemi tsõõriklavval!
Share
a ku kiäki taht teedä’, mis sääl kõnõldi ja mis edesi saa?